Шаноўнае спадарства! Запрашаем вас у аўторак 25 сакавіка а 17 гадзіне на адкрыццё выставы “The Europe we share”. Выстава падрыхтавана Міністэрствам замежных спраў Рэспублікі Польшчы ў супрацоўніцтве з Польскім фондам Роберта Шумана, прысьвечаная прысутнасці Польшчы ў Эўразьвязе. Дэвізам выставы з’яўляецца слова SHARED, якое падкрэслівае агульныя каштоўнасці, якія звязваюць Польшчу з Эўрапейскім Саюзам. 📆 25 сакавіка ⏰ 17:00 📍 Віленскі беларускі музей імя Івана Луцкевіча (Vilniaus, 20)

Шмат хто з вашых дзетак карыстаецца нашай бібліятэчкай. Дзеці - самыя ахвочыя чытачы, і хоць дзіцячых кнігаў маем ня мала, хутка яны ўжо будуць цалкам перачытаныя. Але ёсьць і добрая навіна - спрычыніцца да зьяўленьня новых кнігаў у бібліятэцы вам нічога не каштуе! Калі вы плаціце падаткі ў Літве, цяпер пачаўся пэрыяд іх дэклярацыі, і кожны, хто плаціць падаткі, вольны выбіраць, куды перавесьці 1,2% ад сваіх падаткаў. Ад сярэдняга заробку гэта 38,84 эўра.

Шаноўнае панства! Запрашаем вас на Шляхецкі Баль! ✨✨✨ Рыхтуйце свае самыя святочныя строі, чаравікі, пальчаткі, вееры, пярсцёнкі ды завушнічкі. Мы зноў ладзім шляхецкі баль! Тэма балю: кветкавая У праграме: ✨ Старадаўнія танцы для дзяцей і дарослых. Перад кожным танцам - майстар-клас. Атрымаецца нават у тых, хто ніколі дагэтуль не танчыў! ✨ Шляхетны фуршэт і салодкі стол ✨ Кветкавы этыкет ✨ Кветкавыя гаданні ✨ Цікавінкі і сюрпрызы Заахвочваем дарослых прыносіць з сабой прысмакі да салодкага стала.

Людвіка Кардзіс Нарадзілася ў 1964 ў Астраўцы. Культурніцкая актывістка. Дырэктарка Віленскага беларускага музея ім. Івана Луцкевіча. Дзейнасць спадарыні Людвікі Кардзіс — тыповы прыклад таго, як беларускім грамадскім дзеячам і дзяячкам даводзіцца рабіць тое, што яны лічаць слушным, і не чакаць спрыяльных умоў гадамі. Адроджаны Віленскі беларускі музей імя Івана Луцкевіча пачынаўся са збору рэчаў і дакументаў, якія беларусы і беларускі Вільні старэйшага ўзросту перадавалі спадарыні Людвіцы, каб яна захавала іх успаміны.

З кастрычніка мінулага года ў нашым музеі з’явіўся новы важны супрацоўнік-каардынатар валантэраў. Гэта дазволіла нам падысці да працы з валантэрамі больш паслядоўна і сістэмна. Мы распрацавалі выразную структуру: адбор і інструктаж, падтрымку на ўсіх этапах удзелу, акумаляванне зваротнай сувязі і матывацыя валантэраў. А таксама спрабауем стварыць творчую супольнасць людзей, для якіх музэй мог бы стаць асаблівым месцам. Чым нашы валянтэры займаліся ў музэі за гэты час? Яны сталі часткай паўсядзённага жыцця музэя.

Таццяна Поклад Гісторыя Таццяны Поклад паказвае, наколькі гэта нармальная сітуацыя для беларускіх актывістак і актывістаў — займацца ўсімі магчымымі прафесіямі адначасова. Па адукацыі спадарыня Таццяна — настаўніца англійскай мовы, і яна сапраўды шмат працавала і працуе ў гэтай галіне. Аднак даволі часта ёй даводзілася сумяшчаць выкладанне з журналістыкай, культурніцкім актывізмам, перакладамі тэкстаў, навуковай дзейнасцю і асветай у галіне правоў жанчын. Часам усё гэта даводзілася рабіць адначасова. Як кажуць многія нашыя суразмоўцы, гэта ўсё проста трэба было рабіць, бо, акрамя іх, не было каму.

Ад рэдакцыі Лёс Алены Глагоўскай — даволі тыповы для этнічных беларуса:к, якія пасля карэкты дзяржаўнай мяжы паміж Беларуссю і Польшчай у 1948 годзе апынуліся на польскай тэрыторыі. Мяжа падзяліла мноства сем’яў: тады частка сваякоў спадарыні Алены засталася ў Беларусі, частка — у Польшчы. Пакуль у БССР беларускую ідэнтычнасць спрабавалі падмяніць «агульнасавецкай» (фактычна расейскай), у Польшчы яна таксама размывалася — як праз актыўныя дзеянні, так і праз простую адсутнасць дзяржаўнай падтрымкі.

Аліна Ваўранюк Нарадзілася ў 1964 годзе ў вёсцы Маліннікі, гміна Орля, Падляшскае ваеводства. Настаўніца беларускай мовы Суарганізатарка рок-фестывалю Басовішча Рэдактарка часопіса “Беларускі настаўнік” Заснавальніца Аб’яднання на карысць дзяцей і моладзі, якія вывучаюць беларускую мову АБ-БА Аўтарка падручнікаў па беларускай мове для польскіх школ з дадатковым навучаннем беларускай мовай. Аліна Ваўранюк з Лемантаром. З асабістага архіву Аліны Ваўранюк Пра беларусаў і беларусак Польшчы Я заўсёды тлумачыла так сваім вучням, што мяжа ў нас мянялася: раз гэта была Польшча, раз - Беларусь, цяпер - Польшча.

Галіна Сівалава Нарадзілася ў 1954 ў вёсцы Еўлашы. Сузаснавальніца і былая дырэктарка Віленскай беларускай гімназіі імя Францішка Скарыны Настаўніца Грамадская дзяячка Галіна Сівалава, загрымаваная ў межах перфарматыўнага праекта. Пра сям’ю і паходжанне Мой бацька з наваградскага раёна. Пасварыўся са сваёй дзяўчынай у інстытуце, і прыслалі яго ў Шчучынскі раён працаваць. Ён гэтай дзяўчыне кажа: «Не хочаш са мной? Тады паеду ў вёску і жанюся на вучаніцы».

Вы маглі заўважыць, колькі шмат падзей адбыліся ў нашым музеі за апошні год. Гэта стала магчыма…Дзякуючы неверагоднай камандзе Валантэраў! Без іх падтрымкі, энтузіязму і цёплых сэрцаў мы не змаглі б рэалізаваць усе ідэі на такім высокім узроўні. Так, напрыклад, 9-16 верасня адбыўся Тыдзень беларускай культуры - і нашыя валантэры: Дапамаглі арганізаваць і ўпрыгожыць прастору для кірмашу, Стварылі ўтульную і бяспечную дзіцячую пляцоўку, Правялі займальны квэст для маленькіх гасцей. Таксама нашыя Дызайнеры-валантэры падыходзяць да кожнай задачы з крэатывам і любоўю.