Аб чым вы думаеце, калі чуеце “актывізм”? Мітынг? Праваабарончая праца? Мы прапануем акрэсьліць актывізм як дзейнасьць, якая стварае пазытыўныя зьмены. І заўважма, што ў гэтай дэфініцыі няма слова “вялікі” ці ніякіх яго сынонімаў. Мы лічым, што актывізм - гэта таксама і…

1. Маленькая група супольнага чытаньня беларускай літаратуры
2. Пераклад тэксту, каб ён быў бы даступны большай колькасьці людзей
3. Збор людзей на гарбатку і размову, бо эпідэмія самоты сама сябе не вылечыць
4. Рэкамэндаваньне кнігаў беларускіх жанчын літаратарак сябрам
5. Арганізацыя маленечкіх імпрэзаў, нават на пару чалавек
6. Дапамога з запаўненьнем формаў ці разуменьнем якіх-кольвек сыстэмаў
7. Распаўсюд карыснай інфармацыі ў групавым чаціку
8. Валянтэрства напрацягу нават адной гадзіны
9. Размаўляньне па-беларуску
10. Публічная падтрымка беларускіх творцаў (напрыклад, у сацсетках)
11. Навучаньне таму, што вы ўмееце рабіць (простым рэчам таксама)
12. Ютуб-вечарынка беларускай музыкі
13. Рэгулярныя візыты ў бібліятэку па беларускую кніжку
14. Падтрымка сяброў і знаёмых у размовах
15. Удзел у імпрэзах іншых актывістаў - яны будуць рэальна вельмі ўдзячныя, ведаем па сабе!
16. Выбар беларускай адукацыі для сваіх дзяцей (чаму б і не нашай беларускай школкі - там ёсьць штотыднёвыя бясплатныя заняткі для дзетак ад 4 гадоў)
17. Подпіс на пэтыцыі ці ліст палітыкам аб тым, што вас хвалюе
18. Пісаньне мэмуараў
19. Зьбераганьне свайго архіву
20. Безсаромны адпачынак (ня згодныя? Пачытайце “Rest is resistance”, якую напісала Tricia Hersey - нас яна пераканала ў гэтым канчаткова)

А што бы вы дадалі да гэтага сьпісу?

• блёг