Беларуская школка

Беларуская Школка ў Вільні

Школка працуе ад 2021 года. Гэта адзін з самых буйных праектаў Беларускага Дома ў Вільні.

Галоўная мэта Школкі – гэта падтрымка дзяцей і бацькоў беларускай дыяспары ў Вільні. Дзякуючы праекту беларусы маюць магчымасць падтрымліваць камунікацыю, развіваць свае веды і мацаваць беларускую ідэнтычнасць.

Школка прапануе нефармальную адукацыю для дзяцей і падлеткаў.

Заняткі праходзяць кожныя выходныя – па суботах і нядзелях.

Заняткі ў Школцы бясплатныя.

У бягучым навучальным годзе ў Школцы працуе 14 гурткоў:

Беларуская мова (3 – 5 год)
Беларуская мова (6 – 9 год)
Літоўская мова (6 – 9 год)
Ангельская мова (6 – 8 год)
Ангельская мова (9 – 12 год)
Беларусазнаўства
Тэатральная студыя
Тэатральная майстэрня і арт-тэрапія
Творчая майстэрня (2 групы)
Выяўленчае мастацтва
Хор
Робататэхніка
Псіхалагічны клюб для падлеткаў
Нейра-атыповая група

На занятках выкарыстоўваюцца аўтарскія методыкі нашых настаўнікаў. Заняткі праводзяцца ў нефармальнай атмасферы. Асаблівая ўвага надаецца камунікацыі паміж дзецьмі і бацькамі, каб кожны, хто прыходзіць у Школку адчуваў сябе ўтульна.

Мова заняткаў – пераважна беларуская. І мы імкнемся сферу яе выкарыстання павялічваць.

Прыкладна раз на месяц мы імкнемся праводзіць мерапрыемствы для дзяцей і дарослых, якія звязаныя з культурай Беларусі:

Дзяды
Каляды
Шляхетны баль
Гуканне вясны
Дзень роднай мовы і г.д.

На перапынках навучэнцы і іх бацькі падсілкоўваюцца гарбатай і рознымі прысмакамі (печыва, садавіна, гародніна). А добрай традыцыяй нашых святкаванак сталі супольныя абеды.

У Беларускім Доме таксама маецца даволі буйная бібліятэка, частку фонду якой стварае дзіцячая літаратура на беларускай мове. Дзеці маюць магчымасць узяць пачытаць дадому як адносна даўно выдадзеныя кнігі, так і навінкі, а таксама дзіцячыя энцыклапедыі, прысвечаныя Беларусі. Дзякуючы падарункам і данатам мы ўвесьчасна павялічваем фонд дзіцячай літаратуры.

Далучайцеся да Беларускай Школкі ў Вільні! Ці проста заходзьце ў госці. Мы будзем вам радыя!