"АБ РАСЬЛІННЫМ СЬВЕЦЕ"
Палата прадстаўнікоў гэтак званага Нацыянальнага сходу Беларусі прыняла ў першым чытаньні праект закона "Аб расьлінным сьвеце".
Дакумент устанаўлівае прававыя асновы аховы, абароны, узнаўлення, утрымання, выкарыстання і выдалення "аб'ектаў расліннага свету", якімі лічацца ўсе несельскагаспадарчыя расліны. Законапраект накіраваны на павышэньне іх асяродзьдзеўтваральных, водаахоўных, абарончых, санітарна-гігіенічных, аднаўленчых функцый "у мэтах забеспячэньня спрыяльнага для жыцьця і здароўя грамадзян навакольнага асяроддзя".
Як адзначаецца ў праекце, аб'екты расьліннага сьвету, размешчаныя на тэрыторыі Беларусі, за выключэньнем расьлін, што растуць на зямельных участках грамадзянаў, зьяўляюцца дзяржаўнай уласнасьцю. Карыстальнікі зямельных участкаў або водных аб'ектаў абавязаны рацыянальна абыходзіцца з раслінным светам, прымаць меры па барацьбе з зеллем, шкоднікамі і хваробамі аб'ектаў расліннага свету, а таксама прымаць неабходныя меры па прадухіленні пажараў і забруджання асяроддзя іх вырастання.
У адпаведнасці з праектам, юрыдычныя асобы і грамадзяне, дапусціўшыя незаконнае знішчэньне або пашкоджанне аб'ектаў расліннага свету або пагаршэньне асяродзьдзя іх вырастаньня, абавязаны пакрыць прычынены ўрон у памеры і парадку, устаноўленым актамі заканадаўства.
Паводле слоў намесніка старшыні парламенцкай камісіі па праблемах чарнобыльскай катастрофы, экалогіі і прыродакарыстанні Марыі Худой, неабходнасць распрацоўкі гэтага законапраекта выклікана адсутнасцю адзінага прававога акта, рэгулюючага гэтую сферу. Прыняцце закона, на яе думку, дазволіць стварыць спрыяльныя ўмовы для аховы расліннага савету і ўстановіць больш жорсткія патрабаваньні да суб'ектаў гаспадараньня.

6 сьнежня 2002  /  8:40:00 AM

Аўтар: Юры ПАЦЁМКІН
Крынiца: БелаПАН

На радзіме Францішка Багушэвіча з`явіўся крыж ў гонар паэта. ...     2 красавiка 2003  /  9:29:00 AM

Грамадзяне Літвы і Польшчы будуць мець магчымасьць вольнага ...     12 сакавiка 2003  /  3:28:00 PM

Распачынаецца ажыцьцяўленьне праекта “Роварнае кола Нёмана“,...     11 лютага 2003  /  7:49:00 AM

АБАРОНІМ ПУШЧУ -- НЕАЦЭННЫ СКАРБ БЕЛАРУСКАГА НАРОДУ...     22 студзеня 2003  /  2:26:00 AM

ВЫБАРАМІ Ў БЕЛАРУСКІМ ВОЙСКУ КІРУЕ ЎСХОПЧЫК...     11 сьнежня 2002  /  9:12:00 AM